Товч агуулга:Монголын эртний сонгодог зохиол бүтээлийг цуглуулах, эмхэтгэн цэгцлэх ажлыг академич Ц.Дамдинсүрэн эхлүүлэн “Монгол уран зохиолын дээж бичиг зуун билиг оршибай”,”Монголын уран зохиолын тойм” /I.II,III/ бүтээлүүдийг гаргасан билээ. Энэхүү судалгааны ажлыг үргэлжлүүлэн доктор, дэд профессор Б.Хишигсүх багш маань “Чингис хааны билиг сургаал”-аас эхлэн “Гүнгийн зуугийн гэгээний алтан сургаал” хүртэл долоон зуу гаруй жилийн туршид зохиогдсон сор бүтээлүүдээс дээжлэн, судлан цуглуулж, монгол бичгээр хэвлэгдсэн, олдоц муутай зарим сураалыг оруулан эмхэтгэж судалгааны эргэлтэнд оруулж буйн нэн ач холбогдолтой болсон. Үнэ цэнэтэй бүтээлүүдийг дээжлэн “Хаан сургаал-1” 2,3,4 цоморлигууд гарсан ба уншигч таны гар дээр цоморлиг 5 хүрч байна.
