Товч агуулга:Б.Ринчен 1937 он хүртэл улсын нэр томьёоны комиссын ажлын ачааг үүрч явсан цөөн хэдэн ахмадуудын нэг бөгөөд монгол хэлний шинэ нэр томьёоны анхны хэдэн дэвтэр толь бичгийг латин, орос, монгол хэлээр, үгийн хэлхээний хамтаар боловсруулан нийтлүүлэх ажлыг гардан хийж байсан гавьяатан юм. Суут эрдэмтний нэр томьёо судлалын талаарх “Улсын нэр томьёоны гишүүн Б.Ринчен” хэмээх энэхүү бүтээлийн 1-р ботид академич Б.Ринчен Улсын нэр томьёоны комисст ажилтнаар орж эхэлсэн, үргэлжлүүлсэн түүхэн цаг үе, амаргүй ажил үүргийг гүйцэтгэж ирсэн талаарх өгүүлэл, нэр томьёо судлалын хүрээнд бичсэн судалгааны болоод хэрэглээний олон өгүүлэл, нийтлэлүүд., 2-р ботид 1932-1937 онуудад хэвлэгдсэн “Нэр томьёоны бичиг”-ийн 5 дэвтэрийн бүрэн эх, мөн нэр томьёо үг хэллэгийн талаар бичсэн 10 гаруй өгүүллүүд тус тус оржээ.
