Товч агуулга:Энэхүү цуврал бүтээл нь Монголын газар зүйн байрлалаас эхлээд геологийн судалгааны түүх болон нутаг дэвсгэрийн хэмжээнд судлагдсан тунамал-вулканоген хурдас, интрүзив чулуулаг тэдгээрийн тархалт, найрлага, насны үндэслэл болон геологийн бараг бүх насны хурдсанд хадгалагдаж ирсэн палеонтлогийн үйлдвэрийн хөгжил, тархалт ба ангилал зэргийг өнөөгийн судлагдсан байдлын хэмжээнд авч үзсэн болно. Монголын нутаг дэвсгэрт тархсан нүүрс, шатах занар, газрын тос, хар, өнгөт, ховор метал ба ховор шороон элемент, уран болон фосфорит, давс, гөлтгөнө, бал чулуу, керамзит, флюорит, гялтгануур хийгээд элс, хайрга, шавар, шохой зэрэг барилгын эрдэслэг материалын болон өнгөт эрдэнийн чулууны орд, илэрлүүдийн байрлал, найрлага, гарал үүсэл, ач холбогдол, хэрэглээ зэргийг авч үзсэн нь чухал ач холбогдолтой бас сонирхолтой болжээ. Ботийг Монголын газарзүйн зураг, Монголын сансарын зураг, Монголын геодинамикийн зураг, Монголын идэвхитэй хагарлын зураг, Монголын соронзон орны гажлын зураг, Монголын нүүрсний орд, шатдаг занарын орд, газрын тосны савуудын байршил зэргийг харуулсан нийт 15 хавсралт зураг (60х90см) дагалдана.
