Товч агуулга:Зохиогч 2006 онд бичсэн “Сонирхолтой хэл шинжлэл” номын үргэлжлэл болгон “Зугаатай хэл шинжлэл” номоо толилуулж байна. Хэл шинжлэлийн онол, ухагдахууныг энгийн зугаатай аргаар тайлбарласан энэ номны “Хэл шинжлэлийг онигоогоор” бүлэгт бичил хошин яриа буюу онигоонуудын цаад хэл шинжлэлийн утга учрыг тайлбарлаж, “Зугаатай хэл шинжлэл” бүлэгт “Шүүх буюу криминалистикийн хэл шинжлэл”, “Хүүхдийн хэл яриаг судлах” хэмээх манайд арай хөгжиж амжаагүй салбар ухагдахуун, “Хэлний шинжлэл судалж хэл бичгээ хөгжүүлье” бүлэгт практик санал, “Хэл гэж сонирхолтой ертөнцөд” хэмээх бүлэгт хэл шинжлэлийн элдэв сонин баримт, үгийн гарал үүслийн талаарх өгүүллүүд оржээ.
