Товч агуулга:Монголын үндэсний радиогийн орчуулагч А.Уранчимэг Тайваны зохиолч эмэгтэй Чюн Яо-гийн (1939 онд төрсөн) "Арван үлгэр" нэртэй номоос "Эрэл", "Хэлгүй эхнэр", "Эргүүлэг" нэртэй бэсрэг туужуудыг хятад хэлнээс хөрвүүлэн хятад эхийнх нь хамт хэвлүүлсэн байна. "Эрэл" туужид Вань Жүн охин, түүнд нэгэн зэрэг дурласан ах дүү гурвын тухай сонирхолтой хийгээд гунигтай түүхийг өгүүлнэ. "Хэлгүй эхнэр" туужид сурвалжит баян Лиү Жин Ян болон түүний хосгүй үзэсгэлэнт хэлгүй эхнэр Фан Ий Ий, охин Сүэр нарын эмгэнэлт хувь заяаг сэтгэл хөдлөм, уран чадварлагаар дэлгэн үзүүлжээ. "Эргүүлэг" туужид амьдралын доргио донсолгоонд сэгсчүүлж, улс төрийн үймээн самууны хөлд үрэгдсэн Хө Мужигийн гэр бүлийн учрал хагацал, жаргал зовлон, ээдрээ будлианыг харуулдаг.
