Товч агуулга:Түүх, археологийн хүрээлэнгээс эрхлэн гаргасан “Монголын археологийн өв” цувралын 1-р ботид “Монголын чулуун зэвсэг”, 2-р ботид “Монголын буган хөшөө”, 3-р ботид “Монголын эртний булш оршуулгын дурсгал”, 4-р ботид “Монголын хадны зураг”, 5-р ботид “Монголын хүн чулуу”, 6-р ботид “Монголын эртний шавар сав” гэсэн он цаг, төрөл зүйл, хамрагдах хүрээгээрээ ялгаатай зургаан дурсгалыг сонгон оруулсан ба энэхүү бүтээл нь Монголын археологийн дурсгал болон олдворын талаар олон нийтэд цэгцтэй ойлголт өгөх, гадаад оронд өөрийн орны түүх соёлыг сурталчлахад нэн чухал бүтээл ажээ. Тус 6 боть цуврал бүтээлд 21 аймгийн 200 гаруй сумын нутагт орших чулуун зэвсгээс дундад зууны үе хүртэлх 1500 гаруй дурсгал, олон цаг үед хамаарагдах 2000 орчим олдвор эх хэрэглэгдэхүүний өнгөт гэрэл зураг, тодорхойлсон тайлбарыг оруулжээ. Мөн түүхийн дурсгалын олдворын нэрийн хэлхээ, тухайн дурсгалын байгаа газар нутгийн нэрийн жагсаалт, гэрэл зургийн эх сурвалж, холбогдох ном бүтээлийн жагсаалт зэргийг хавсралтанд оруулж өгчээ.
