Товч агуулга:Монгол түмэн хүүхэд багачууд, үр хойчдоо ул суурьтай мэдлэг боловсрол эзэмшүүлэхийг төрийн тэргүүлэх бодлого болгож байсан тухай үед МАХН-ын Төв Хорооны тэргүүн дарга Ц. Дамбадорж (1912-1917 онд Хаант Орост суралцсан) дэд дарга Н. Жадамба, Монгол Улсын бүрэн эрхт элчин төлөөлөгчөөр Москвад сууж байсан Бөрт овогт Бавуучинбуугийн Буянчуулган, Ардыг Гэгээруулэх Яамны сайд Эрдэнийн Батхаан нар монгол залуусыг Германд суралцуулах талаар санаа бодол нэгдэж тун хичээсэн нь түүхийн сурвалжаар нотлогддог. Тэдний чармайсны үр дүн биелж одоогоос яг 90 жилийн тэртээ манай улс 40 гаруй охид хөвгүүдээ Франц, Германд илгээжээ. Тэдний зарим нь өнчин өрөөсөн ядуу зүдүү бол зарим нэг нь Чингисийн алтан ургийн угсаа сурвалжтай ноёд тайж нарын үр сад байлаа. Мөн тэдний олонхи нь халх боловч барга, цахар, дөрвөд, буриад ястан байсныг сэтгүүлч, судлаач Ч. Болдын энэхүү номноос мэдэж болно.
