Товч агуулга:Монсудар хэвлэлийн газраас бүх нийтийн боловсрол, түүх судлалд зориулан, эрхлэн гаргаж буй “Монголчууд” хэмээх цувралын эхний ботиуд нь “Монголчууд ХХ зууны эхэнд” “Монголчууд: XVII-XX зууны эхэн” хэмээх түүхийн зурагт ном юм. Энэ удаагийн “Монголчууд нийгэм журамд давшин орсон нь” Монголын түүхийн зурагт энэ ботид социализмын хэмээн нэрлэгдэж ирсэн, Зөвлөлт маягийн засагтай болж, БНМАУ байгуулсан 1924 оноос хоршоолох хөдөлгөөн ялсан 1959 он хүртэлх нийгэм журамд орж байсан үеийн түүх оржээ. Монголчуудын дотоод ертөнц хэрхэн өөрчлөгдсөн, амьдралын хэв маяг ямар байдалтай болсон, түүхийн өв яаж бүрдсэн, бодит амьдрал, өдөр тутмын нөхцөл ямар байсан зэргийг монголчуудын тухай жуулчдын тэмдэглэл, архивын баримт, гэрэл зургийн энэхүү сангаас мэдээж авах болно.
