Товч агуулга:Уг бүтээл нь үлгэрийн судалгаа бүхий удиртгал хэсэг болон монгол ардын 200 гаруй үлгэрийг амьтны үлгэр, шидэт үлгэр, баатарлаг үлгэр, аж байдлын үлгэр, хошин үлгэр гэсэн 5 бүлэг болгон оруулсан. Монгол ардын үлгэрийн гарал үүсэл, агуулга, бүтэц хэлбэр, дүр, дүрслэх арга, ач холбогдол, үлгэр хэлэх ёс болон бусад улс үндэстний үлгэрийн онцлогийг судлан оруулсан нь танин мэдэхүй, хэрэглээний болоод эрдэм шинжилгээний ач холбогдолтой. Үлгэрээр дамжуулан байгаль нийгмийн үзэгдэл, хүмүүсийн харилцаа, бурхан сахиус, төр улс, араатан амьтан, хүний зан чанар, ажил хөдөлмөр, зан заншил зэргийн тухай болон түүний учир зүйг мэдэж болно. Үлгэрт гарч буй эртний үг, нутгийн аялгууны зарим үг хэллэгийг тайлбарлан хавсаргасан нь тухайн үлгэрийг уншиж ойлгоход дөхөм болно. Монгол ардын үлгэрээс монголын нийгэм болоод ахуй амьдралтай танилцах, соёл түүхээ танин мэдэж хөгжүүлэх хүсэлтэй уншигч, сонирхогч, судлаач хэн бүхэнд зориулагджээ.
