Товч агуулга:Дорноговь аймгийн Дэлгэрэх сумын Цагаан хад багийн нутаг дахь Монголын зүүн өмнөд бүс нутгийн онцлогийг илтгэх хүрэл, хүннү, монголын үеийн оршуулгын дурсгал бүхий Чандмань Хар уулын хэмээн нэрлэгдсэн дурсгалт газрыг 2003 онд нээн илрүүлж 5 жилийн турш 300 орчим дурсгалыг малтан шинжилсэн судалгааны үр дүнг энэ номонд нийтэлжээ. Үүнд хүрлийн үед холбогдох 172, хүннүгийн үед холбогдох 15, монголын үед холбогдох 63 булш оршуулгын дурсгал болон 42 тооны чулуун байгууламжийн талаар бүлэг болгон хувааж, дурсгалын дэлгэрэнгүй тодорхойлолт, тархац, гадаад дотоод зохион байгуулалтын онцлог, он цагийн асуудал зэргийг багтаажээ.