Товч агуулга:Монгол хэлний 3000 орчим шинэ үг, хэллэгийг бүртгэн цуглуулж цагаан толгойн дэс дарааллаар байрлуулан утгын тайлбар, гарал үүслийг тодорхойлж, хэрэглээний жишээг хадсан болно. Он цагийн хувьд манай улсын нийгмийн томоохон өөрчлөлт шинэчлэлийн үетэй холбон үзэж, 1990 оноос хойш хэрэглэгдэж буй үг хэллэгийн жишээг оруулжээ. Шинэ үг хэллэгийг сонгохдоо өдөр тутмын амьдралд идэвхтэй хэрэглэгдэж байгаа гадаад дотоодын шинэ үг хэллэг, аливаа зүйлийг томьёолон нэрлэсэн ярианы болоод бичгийн хэлэнд түгээмэл хэрэглэгдэж буй үгийг хэрэглээнд нь тулгуурлан сонгосон байна. Шинэ үг судлал нь орчуулгын явц дахь шийдвэрлэх боломжгүй хүндрэлтэй асуудлуудын нэгд зүй ёсоор тооцогддог. Мөн сэтгүүл зүйн хувьд мэдээ мэдээллийг товч тодорхой, хурц тод ойлгомжтой илэрхийлэн гаргахад шинэ үг судлалын үүрэг их байдаг. Тиймээс тэдгээр орчуулагч, сэтгүүлчид болоод монгол хэлээр хэлэлцэгч, утгыг ухах гэсэн хэн бүхэнд зориулагдсан хэрэглээний болоод эрдэм шинжилгээний ач холбогдолтой толь юм.
