Товч агуулга:Та бүхэнд толилуулж буй “Монгол дахь Япон хэлний боловсрол ба Япон судлал” ном нь Монгол улсад 1975 оноос Япон хэлний албан сургалт хэрэгжиж эхэлснээс хойшхи 40 гаруй жилийн хугацаанд япон хэлний сургалт, судалгаа явуулж ирсэн их сургуулиуд, ШУА-ийн хүрээлэнгүүдийн олсон ололт амжилт, алдаа оноогоо нэгтгэн дүгнэе гэсэн санал санаачилгаар бүтээгджээ. Гурван үндсэн бүлэг, зураг, хавсралтаас бүрдсэн энэхүү номын эхний бүлэгт манай улсад япон хэлний сургалт хэрхэн явагдаж, сургалтын материаллаг бааз яаж бэхжиж ирснийг түүхчлэн авч үзсэн бол, хоёр дахь бүлэгт Монгол дахь Япон судлал ба түүний чиглэл, хандлагын тухай, сүүлийн бүлэгт ололт амжилт, дурсамж дурдатгал,зургийн цомгийг оруулж өгчээ.
