Товч агуулга:Ойрад монголын түүх, соёлын судалгааг дэлгэрүүлэн хөгжүүлэх, түүнд судлаач оюутан залуусыг татан оролцуулах зорилгоор Түүх соёл, хэл бичиг судлалын “Тод номын гэрэл төв” ТББ, Оюутны эрдэм шинжилгээний “Тод дөрвөлжин” клубээс хамтран хэд хэдэн дэд хөтөлбөр хэрэгжүүлж байгаа билээ. Энэ дэд хөтөлбөрийн хүрээнд докторант, магистрант, оюутны эрдэм шинжилгээний хурлыг жил бүр зохион байгуулж байгаа бөгөөд 2013-5-10нд зохион байгуулсан хурлын илтгэлийг энэхүү “Оюутны эрдэм шинжилгээний бичиг” №4-т оруулсан ба үүнд Торгууд “ховол” өлгийн онцлог,Ойрадын Амарсанаа, “кут” цол, Алунгуа, Ойрад-төвдийн харилцаа, Баяд оршуулга, торгууд ба дөрвөд аман аялгуу, Халимагийн арьсан эдлэл, хөөмэйг урлаг, дөрвөд хүн амын тоо зэрэг 14 илтгэл оржээ.
