Товч агуулга:Ойрад монголын түүх, соёлын судалгааг дэлгэрүүлэн хөгжүүлэх, түүнд судлаач оюутан залуусыг татан оролцуулах зорилгоор Түүх соёл, хэл бичиг судлалын “Тод номын гэрэл төв” ТББ, Оюутны эрдэм шинжилгээний “Тод дөрвөлжин” клубээс хамтран хэд хэдэн дэд хөтөлбөр хэрэгжүүлж байгаа билээ. Энэ дэд хөтөлбөрийн хүрээнд докторант, магистрант, оюутны эрдэм шинжилгээний хурлыг жил бүр зохион байгуулж байгаа бөгөөд 2014-2-28нд зохион байгуулсан хурлын илтгэлийг энэхүү “Оюутны эрдэм шинжилгээний бичиг” №5-т оруулсан ба үүнд Өөлдийн нүүдэл, захчин нарын байгаль шүтлэг, бие биелгээ, баатарлаг тууль, “харь элчийн данс”, Халимагийн соёл, ёс заншил, “Жангар”, халимаг ба монгол хэлц үг, "хошууд" нэр, Дархад аман аялгуу, Тува хүүрнэл зохиол, тод үсэг, Номинхановын судалгаа зэрэг 35 илтгэл оржээ.
