Товч агуулга:Ардын аман зохиолын нэгэн төрөл болох сацал, мялаалгын үгс нь аман болоод бичигт тэмдэглэгдсэн хоёр хэлбэрээр уламжлагдан иржээ. Сацал мялаалгын гар бичмэл, судрууд нь монголчуудын ертөнцийг үзэх үзлийн тусгал болохын хамт тэдний соёл, шүтлэг бишрэл, зан үйл, мэдлэг ухааны төрөл бүрийн зүйлийг өөртөө агуулдаг. Энэ эмхэтгэлд сацлын 46, мялаалгын 39 үгс нийт 85 хэрэглэгдэхүүнийг хамруулж, тэдгээрийг дотор нь Чингис хааны үйл амьдралд холбогдох сацал үг, од эрхис орон дэлхий, уул ус, мал амьтан, аян зам, ан агнуур, таван сахиус, эд юмс, хүүхэд, зэр зэвсэгтэй холбогдолтой сацал ба мялаалгын үг хэмээн ангилан оруулж, ямар эх сурвалжаас авснаа нэг бүрчлэн тодорхой зааж өгчээ.
