Товч агуулга:“Эдийн засгийн бодлого, өрсөлдөх чадвар судалгааны төв”-өөс эрхлэн гаргасан энэ судалгааны зорилго нь Монгол улсын 21 аймгийн хөгжлийн өнөөгийн түвшинг харьцуулан үнэлэх, аймгуудын өрсөлдөх чадварыг цогц байдлаар тодорхойлоход оршино. Судалгаа нь эдийн засгийн тамир тэнхээ, засаглалын үр ашиг, бизнесийн үр ашиг, дэд бүтэц гэсэн үндсэн 4 бүлэгтэй, аймгуудын өрсөлдөх чадварыг олон талаас нь тодотгон харуулах 177 шалгуур үзүүлэлт ашиглажээ. Нийт 177 шалгуур үзүүлэлтийн ойролцоогоор 2/3 нь буюу 102 нь статистик мэдээлэл, 1/3 нь буюу 75 нь санал асуулгын мэдээлэл ажээ. Аймгуудын өрсөлдөх чадварын тайлан нь бодлого боловсруулагчдын хувьд аймгуудын өнөөгийн хөгжлийн түвшин, нөхцөл байдлыг бодитоор харж, орон нутгийг хөгжүүлэхэд чиглэсэн шийдвэр гаргахад тус болохуйц мэдээллийн эх үүсвэр, гарын авлага юм.
