Товч агуулга:Халхын Сэцэнхан аймгийн Сүжигт засгийн хошууг Чин улсын Энхамгалан хааны зарлигаар 1701 онд үүсгэн байгуулжээ. Зохиогчид энэ номонд 1701-1911 онд Халхын Хэрлэн барс хотын чуулганы Сэцэнхан аймгийн Дорно замын зүүн гарын баруун этгээдийн хошуу ба 1911-1923 онд Хан Хэнтий уулын чуулганы Сүжигт засгийн хошууны /одоогийн Хэнтий аймаг, Идэрмэг сум/ үүсэл, түүх, засаг ноёд, хошууны туслагч, захирагч нарын намтар, үйл ажиллагаа, тус хошууны хүн ам, нас хүйс, овог яс, нийгмийн байдал, амь зуулга, аж төрөл, алба татвар, цэрэг, сүм хийд, лам нар, газар нутаг, хил хязгаар, мал сүргийн тоо, бүтэц зэргийг бодит сурвалж материал дээр тулгуурлан өгүүлжээ.