Товч агуулга:Уг эмхтгэл нь Монгол, Солонгос хоёр орны түүхэн харилцааны нэгэн үе болох XX зууны 40-90 ээд оны үеийн харилцааны тухай Монголын “Үнэн” сонинд нийтлэгдсэн мэдээллийг түүвэрлэн багтаасан болно. Энэ үе нь хоёр орны ард түмний харилцааны чухал үе бөгөөд өнөөг хүртэл харьцангуй бага судлагдсан билээ. Хэдийгээр тухайн үед Монгол улс нь социалист системд багтаж, БНАСАУ-тай л харилцаа тогтоож, өмнөд Солонгостой үзэл суртлын хувьд өөр лагерьт багтаж байсан боловч тухайн үеийн Монголын байр суурь, тогтмол хэвлэлд хэрхэн тэмдэглэж ирсэн зэрэгтэй холбоотой сонирхолтой баримт гэж үзэж түүвэрлэн нийтлүүлжээ. Энэ эмхтгэл нь XX зууны 40-90-ээд он хүртэлх хоёр орны харилцааны түүхийг сонирхогч, судлан шинжилж буй оюутан, магистр, докторант нарт гарын авлага болох юм.
