Товч агуулга:Философийн ухааны доктор, профессор Дуламын Дашжамцын мэндэлсний 85 жилийн ойд зориулан гаргасан энэхүү бүтээлд Д.Дашжамцын эрдэм шинжилгээний бүтээлүүд, “Монголчуудын ардчилсан үзэл санааны уламжлал ба орчин үе” сэдэвт эрдэм шинжилгээний бага хурлын илтгэл, дурсамж, гэрэл зураг зэрэг агуулгуудыг багтаажээ. Д.Дашжамцын эрдэм шинжилгээний онцлох бүтээлүүдээс дурдвал “Монгол анхны тогтмол хэвлэлүүдийн үзэл санааны өнгө аяс”, “ Д.Төмөр-Очир Монголын философийг хөгжүүлэх үйлсэд”, “Номын их сэтгэгчдээс хойч үеийн залуу судлаачдад сануулж захисан зарим үнэт сургамжаас сонордуулах нь” зэрэг бүтээлүүд нь одоо хүртэл үнэ цэнээ алдаагүй байгаа билээ.
