Товч агуулга:Хүрээ гучин аймагтай холбоотой бүхий л түүхэн мэдээ сэлтийг эмхэтгэн нэгтгэж уншигч, судлаач, их дээд сургуулийн оюутнуудад зориулан гаргажээ. Тус архивын бичиг баримтын эмхтгэлийн төгсгөлд Монгол Улсын үндэсний төв архивын сан хөмрөгт хадгалагдаж байгаа Их хүрээний гучин аймагтай холбоотой бичиг баримтын бүртгэл каталоги, гучин аймгуудын лам нарын тоо бүртгэл, аймгуудын товхан ба эвтэй газруудын нэгтгэсэн бүртгэлийг оруулсан байна. Энэхүү эмхэтгэлд 1651-1938 оны нийт 125 бичиг баримт орсон. Их хүрээний гучин аймгийн бурхан шүтээн, лам хувраг, хурал, ном, жас жав, хөрөнгө хэрэглээний данс бүртгэл, Эрдэнэ шанзовба яам, Ардын засгийн газраас гаргасан зарим хууль дүрэм, журам, бусад бичиг баримт багтсан байна.