Товч агуулга:2015 оны 10-р сарын 24-нд Монгол судлалын төвөөс Унгар улсын ЭСЯ, Унгарын монгол судлалын төвтэй хамтран “ Монгол –Унгар улсын хооронд дипломат харилцаа тогтоосны 65 жил, Унгарын нэрт монголч эрдэмтэн Хар Дорж (Кара Дьёрдь)-ийн мэндэлсний 80 насны ойд зориулсан Олон улсын эрдэм шинжилгээний бага хурал”-ыг зохион байгуулжээ. Энэхүү хуралд 28 илтгэл тавигдсан ба хурлын үеэр Монгол судлалын төвөөс Монголын Үндэсний номын сангийн сан хөмрөг болон профессор Ц. Өнөрбаянгийн хувийн номын сангийн унгар номоор “ Нэрт эрдэмтэн Хар Дорж болон Унгарын монголч эрдэмтдийн бүтээлээс” үзэсгэлэн гаргаж 150 орчим ховор нандин номуудыг дэлгэн тавьсан нь эрдэмтэн судлаачдын сонирхлыг ихээр татлаа.
