Товч агуулга:Амьтан, ургамлын гадаад худалдаа жилээс жилд нэмэгдэж, тухайн зүйлүүд устаж болзошгүй болсныг харгалзан дэлхийн улс орнууд ховордсон амьтан, ургамлын гадаад худалдааг олон улсын хэмжээнд хянан зохицуулах зорилгоор 1973 онд АНУ-ын Вашингтон хотноо олон улсын хэлэлцээр байгуулсан нь эдүгээ “ CITES-ийн конвенц” нэрээр дэлхий дахинаа хүлээн зөвшөөрөгдсөн юм. Монгол улс тус конвенцэд 1996 оны 4-р сарын 4-нд 133 дахь гишүүн орноор бүртгэгдсэн билээ. Конвенцэд нэгдэн орсноос хойш манай улсад хийж хэрэгжүүлж байгаа ажлын талаар илтгэсэн анхдугаар тайланг боловсруулан гаргахын ач холбогдол нь Конвенцийн талаарх ойлголтыг нийтэд түгээх, Конвенцийн хавсралтанд бүртгэлтэй ургамал, амьтны талаарх мэдээ, баримтыг хүргэх, цаашид энэ чиглэлээр үйл ажиллагаа явуулах иргэн, аж ахуйн нэгж, байгууллагуудад бодит мэдлэг олгох юм.
