Товч агуулга:Дэлхийн улс орнууд түүхэн үйл явдлынхаа гэрч, туурвилыг эмхтгэн цуглуулж, мэдээллийн нөөц бүрдүүлэх асуудлыг чухалчилж байна. Монголын Ардчилсан хувьсгал, Монголын Ардчилсан Холбооны нийгэмд гүйцэтгэсэн үүрэг, хувь хүний хүчин чармайлтыг хэвлэлийн хуудаснаас олж нэгтгэх үүднээс 25 жилийн баримт материалыг цуглуулж цаасан болон цахим хэлбэрээр дотоод гадаадын эрдэмтэн судлаач, уншигчдын хэрэгцээнд байнгын эргэлтэнд оруулах, он дарааллаар баяжуулах зайлшгүй хэрэгцээ бий. Энэхүү номыг зохиогчид холбогдох эх сурвалжууд, тэдгээрийн агуулгаар 1990 онд Монголын Ардчилсан холбооны үйл ажиллагаа төв, орон нутагт хэрхэн өрнөж, ямар сорилт туулсныг тодруулан харуулахыг зорьжээ.