Товч агуулга:Өмгөөлөгч мэргэжил бол ардчилсан нийгмийн үнэт зүйлсийг хамгаалан авч үлдэх, нийгэмд хүний эрх, эрх чөлөөт байдлыг хангахын төлөө үйлчилдэг. Өмгөөлөгч мэргэжил нь “ шүүгч шиг эртний, буянтан шиг өгөөмөр, хууль зүй шиг чухал” бөгөөд нийгмийн ариун нандин үнэт зүйлийг хамгаалахын төлөө үргэлж бодол оюунаа чилээдэг юм. Өмгөөлөгчид хууль тогтоомж, шударга ёсны хэмжүүрийн хүрээнд шүүх эрх мэдлийн системээр дамжуулан үйлчлүүлэгчийн үнэнийг тогтоох замаар нийгмийн шударга ёсыг хангахын төлөө цаг наргүй хөдөлмөрлөж байдаг. Энэ мэргэжил, энэ хөдөлмөр, өглөг буяны эзэд болсон үе үеийн өмгөөлөгчдийн оюуны охь дээжийг эмхэтгэн нийтийн хүртээл болгож байгаа энэхүү хоёр дахь хэвлэлийн ботидоо 1928 оноос 2011 оныг дуустал хугацаанд нийтийн хүртээл болсон 115 зохиогчийн 169 өгүүлэл, нийтлэлийг хэвлэгдсэн он дараалалаар нь багтаажээ.
