Товч агуулга:Монгол улс, Франц улсын хооронд дипломат харилцаа тогтоосны 50 жилийн ой энэ жил тохиож буй. Гэтэл эл харилцаанаас даруй хагас зуун жилийн өмнө хоёр орны хооронд ардын дипломат харилцааны эхлэлийг тавьсан анхдагчид нь 1926-1930 онд Францад очиж суралцсан дөрвөн хөвгүүн байсан билээ.Тэд хожмоо шинэ цагийн Монголын шинжлэх ухаан, боловсрол, соёл урлагийн тэргүүлэх сэхээтнүүд болж, алдар нэрээ мөнхлөсөн түүхтэй. Судалгааны хүрээнд олдсон архивын баримт сурвалж, ховор сонин гэрэл зураг, дурсамж яриа зэрэг эш хэрэглэгдэхүүн дээр түшиглэн Франц улсад сурч байсан дөрвөн хөвгүүн болон Мэргэн гүн Гомбожав, Ж.Цэвээний гэргий Бадамжав түүнчлэн тэдний Францад суралцах ажлыг анх санаачлан зохион байгуулсан, ажил хэрэг болгон хэрэгжүүлсэн хүмүүсийн амьдрал, хувь заяаны тухай бичсэн энэхүү номны тэргүүн дэвтэр уншигч бидэнд ирлээ.
