Товч агуулга:Аливаа улс орон түүх, соёлын дурсгалаа судлаад зогсохгүй, түүгээр бахархан, шинжлэх ухааны үндэстэй тайлбар, баримтжуулалт, сэргээн засварлалт бүхий ил үзмэр, музей хэлбэрээр хадгалан, өсвөр залуу үеийнхэн болон гадаад, дотоодын жуулчин, гийчид тухайн үндэстний эх түүхийн жимээр аялан танилцах бүхий л нөхцөлийг бүрдүүлсэн байдаг. Улс орны хөгжлийн гол тулгуурын нэг болох аялал жуулчлалын салбарын цаашдын хөгжлийн нэгэн чиглэл нь түүх, археологи, байгалийн дурсгал хосолсон үндсэн маршрутыг шинээр зохиож, тэдгээрийг аялал жуулчлалын бүтээгдэхүүн болгох нэн шаардлагатай байгаа бөгөөд ингэснээр улс орны эдийн засагт нэмэр хандив болоод зогсохгүй цаашид хадгалж, хамгаалах, судлах, бүтээн байгуулалтын үйл ажиллагаатай зөв зохистой уялдуулах, бодлого чиглэлийг оновчтой тогтоох боломж бүрдэх юм.
