Товч агуулга:Монгол Улсын Судар бичгийн хүрээлэнгээс 1924 оны 3 дугаар сарын 28-нд жинхэнэ ба сул гишүүдийг хуралдуулж, тус хүрээлэнгийн дэргэд нэр томьёоны комисс байгуулах тухай хэлэлцээд, их комиссын дотор 10 салбар комисс байгуулахаар тогтсон байна. Ийнхүү орчин цагийн монгол нэр томьёо судлалын суурь тавигдаж, улмаар шинжлэх ухаан-техникийн бүхий л салбарын нэр томьёог судлан тогтоох, оноох, толилох жигдлэх ажлыг өргөн хүрээнд явуулсаны үр дүнд орчин цагийн нэр томъёоны онол, хэрэглээ, арга, зарчим хийгээд нэр томьёоны үндсэн хэв шинж бүрэлдэн тогтжээ. Энэхүү бүтээлд орчин цагийн монгол нэр томъёоны тулгуур байгууллага болох Улсын нэр томъёоны комиссын түүх, нэр томъёо судлалын голлох бүтээлүүд, тэргүүлэх судлаачдын тухай голлон өгүүлсэн болно.