Товч агуулга:Орчуулагч Д. Төмөрбаатар гуай Японы янз бүрийн салбарын олон тооны зохиол бүтээлээс, Японы алдартай зохиолчдын уран зохиолын дээжээс орчуулсан хүн бөгөөд сүмо, го даам, шёоги шатар, соробан сампин гэх мэт Японы уламжлалт соёл, спортоос монголчуудад танилцуулан хүргэсэн, Япон улсын Гадаад хэргийн сайдын шагналтан, Япон улсын Элчин сайдын өргөмжлөлийг хүртсэн хүн билээ. Тэрээр Японы Ришшёо Коосэй-кай холбоог Үүсгэн байгуулагч Нивано Никкёогийн бүтээл, анхны хэвлэл нь 1976 онд гарсан “Жидэн” (Өөрийн тухай өгүүлэх нь), анхны хэвлэл нь 1970 онд гарсан “Шёшин ишшёо” (Нэгэн сэтгэлээр жигүүрлэсэн амьдрал) гэсэн хоёр номыг нэгтгэн монголоор орчуулан толилуулж байна.
