Товч агуулга:Энэхүү баримт бичгийн эмхэтгэлд оросын монголч эрдэмтэн, 1896-1913 оныг дуустал Ховдын хязгаарт, баядын нутагт буй Хангилцаг голд орших Мокины сууринд 18 жил ажилласан А.В.Бурдуковын хаант Оросын сонингуудад нийтлүүлсэн ХХ зууны эхэн үе буюу баруун хойд Монголын тухай мэдээ сурвалжлага, өгүүлэл, аян замын тэмдэглэлүүдийг хамарсан нийт 40 нийтлэлийг багтаасан бөгөөд түүхэн олон үйл явдлуудыг гэрчлэн илэрхийлсэн судалгааны эргэлтэнд ороогүй баримтуудыг агуулснаараа баруун монголын түүх сонирхогч, судлаач эрдэмтэн мэргэд, оюутан нарт чухал ач холбогдолтой судалгааны хэрэглэгдэхүүн болох ажээ.