Товч агуулга:XIX зууны Монголын их яруу найрагч, Соён гэгээрүүлэгч, Говийн V ноён хутагт Дулдуйтын Данзанравжаагийн амьдрал бүтээл туурвилын түүхийг судлах, нийтийн хүртээл болгох их үйлс 1950 –иад оны сүүлээр эхэлсэн гэж үзэх үндэстэй аж. Учир юун гэвэл билгүүн номч Цэндийн Дамдинсүрэнгээр ахлуулсан хэсэг эрдэмтэн судлаачид Ардын аман зохиолын судалгааны экспедицийг Говийн аймагт зохиосноор үлэмж материалыг цуглуулсан бөгөөд их л олон дуу шүлэг, сургаалын зохиолууд нь Д.Равжаагийнх болох нь тодорхой болжээ. Уг номд Равжаа судлалын үүсэл, хөгжил, цэцэглэлт, түүний үечлэл, өв хадгалагч өвгөд, 1959 оноос эхэлсэн Монголын төв орон нутгийн өнөөгийн судлаачид, Хамарын хийдийг дахин сэргээсэн хүмүүсийн тухай, мөн гадаадын эрдэмтэдийн тухай өгүүлсэн болно. Бие даасан ном, бүтээлээ хэвлүүлсэн алдарт акедамич, доктор, профессоруудаас эхлээд судалгааны өгүүлэл илтгэлээ хэвлүүлсэн залуу судлаачдын бүтээлийг нэг бүрчлэн хамруулжээ.
