Товч агуулга:Академич Ц.Даваажамцын нэрэмжит “Монгол орны ургамалжил-2014” сэдэвт эрдэм шинжилгээний бага хурал нь Улаанбаатар хотод 2014 оны 5-р сарын 15-нд болж өнгөрчээ. Энэхүү эрдэм шинжилгээний бага хуралд ургамалжлын чиглэлээр судалгаа явуулдаг 11 байгууллагын эрдэмтэн судлаачдын уулын хээрийн бэлчээр, хээрийн ургамал, Хэнтий нурууны ойн ургамал, ургамлын нөмрөгийн өөрчлөлт, Орхон гол татмын нугын ургамал, цөлийн хээрийн ургамал, урал чихэр өвс, модлог ургамал, шинэсэн ойн тухай асуудлуудыг хөндсөн 16 илтгэлийг хэлэлцжээ. Ургамал судлал, байгаль хамгаалал, экологи, биологийн чиглэлээр суралцаж буй оюутан, багш, судлаач нарт гарын авлага болгох үүднээс эрдэм шинжилгээний бага хурлын материалыг эмхэтгэн толилуулж байна.
