Товч агуулга:Уг бүтээл нь Монгол-Солонгосын хамтарсан хээрийн судалгааны ангийн Төв аймгийн Баянцагаан сумын нутаг дахь Чихэртийн зоо хэмээх Хүннүгийн цогцолбор дурсгалт газар ажилласан судалгааны үр дүн юм. Археологийн малтлага судалгааны үр дүнд Хүннүгийн язгууртны булшнаас илэрсэн олдворт хийсэн он цаг тогтоох шинжилгээгээр НТӨ II зууны үед хамаарахыг тогтоосон. Мөн тус бүс нутагт өмнө нь огт хайгуул судалгаа хийгдээгүй бөгөөд бид дөрвөн удаа хайгуул хийсний үр дүнд илэрсэн дурсгалуудыг бүртгэн судалгааны эргэлтэд оруулж байна. Энэхүү бүтээл орон нутаг судлал, Монголын эртний түүх судлагч хэн бүхэнд чухал хэрэглэгдэхүүн болох юм.
