Товч агуулга:Хэнтий аймгийн иргэдийн Төлөөлөгчдийн Хурал, Засаг даргын Тамгын газар, Хэнтий аймгийн нутгийн зөвлөл санаачлан Хан Хэнтий уулын аймаг байгуулагдсаны түүхт 100 жилийн ойд зориулан Чингис хааны өв, соёлын хүрээлэнтэй хамтран "Хан Хэнтий уулын аймгийн түүх, соёл, хөгжил: эрт эдүгээ" эрдэм шинжилгээний хурлыг зохион байгуулсан байна. Тус эмхэтгэлд Сэцэн хан аймаг, Хан Хэнтий уулын аймгийн түүх, тус аймгийг бүрдүүлэгч хошууны түүхэн газар нутаг, нутгийн зураг, газрын зураг, Сэцэн хан аймгийн газрын нэрийн домог, домог дахь Хэрлэн голын сав газрын дүрслэл, уулын тахилгын сан судар, Сэцэн хан Шолой, Сэцэн хан Навааннэрэн Улсын Эх Дагина Дондогдулам, Цэнд зайсангууд болон Бишрэлт ван Пүрэвжавын Доржцэрэн нарын Сэцэн хан аймгаас төрсөн монголын түүхэнд нэрээ үлдээсэн эрхмүүдийн талаарх судалгаа, судлаачдын шинэ үр дүнгээс гадна Сэцэн хан аймгийн хүн ам, малын тоо бүртгэл, худалдаа, эдийн засаг, сүм хийдийн судалгаа, Хэнтий аймгийн нутагт хийсэн угсаатны зүйн судалгааны тойм, Хан Хэнтий уулын аймаг дахь зарим угсаатны ахуй соёл, зн заншил болон Хэнтий аймгийг зүүн бүсийн аялал жуулчлалын төв болгох, Бурхан Халдун уул, түүнийг хүрээлсэн тахилгат газар, Хэрлэн голын сав дагуух нутгийн аялал жуулчлалыг хөгжүүлэх боломж, Хэнтий аймгийн нутаг дахь Хүннү, Түрэгийн үед хамаарах археологийн дурсгалын судалгаа, хадгалалт хамгаалалт, үнэ цэнийн талаар салбар салбарын судлаачдын илтгэлийг оруулсан байна.
