Товч агуулга:"Сүмбэр уулс" роман нь Монголын баруун хязгаарын үндэсний цөөнхийн хувь заяаг Монгол орны болон дэлхий нийтийн ХХ зууны нүргээнт өөрчлөлт, нийгмийн хөгжлийн хандлагатай холбон уран сайхнаар дүрсэлсэн, өндөр ач холбогдолтой бүтээл болжээ. Түүнчлэн эл бүтээлд Монгол дахь үндэсний цөөнх казахуудын нэгэн зууны түүхийг хамарсан эгзэгтэй цаг үеийн үйл явдлыг түүхэн эх сурвалж, бодит түүхт хүмүүсийн амьдрал болон уран сайхны дүрүүдээр уг ард түмний түүх, соёл, ёс заншил, сэтгэлзүй, аж төрөх ёсны онцлог, тэмцэл, ялалтын ээдрээтэй замыг цогц харуулсан байна.
