Товч агуулга:Уг сургалтын хөтөлбөр нь МУУГЗ Б.Одсүрэн багшийн тэнхимийн сургалтын арга барилд үндэслэн хөөмэйлөх ур чадварт сургах 8 цуврал хичээлээс бүрдсэн дөрвөн жил тасралтгүй судлах иж бүрэн хөтөлбөр болно. Хөтөлбөрийн бүтцийн хувьд танилцуулга, зорилго, агуулга, арга зүй, орчин, хэрэглэгдэхүүн, үнэлгээ гэсэн үндсэн хэсгүүдээс бүрджээ. Мөн шахаа, шулуун исгэрээ, нарийн исгэрээ, үелзсэн, хамрын шулуун исгэрээ, нарийн исгэрээтэй дандилдах, уруулын, хамрын нарийн исгэрээ, уруулын үелзсэн, шулуун исгэрээтэй хамар болон амны хөндийн дандилдах, нарийн исгэрээтэй хамар болон амны хөндийн дандилдах, хархираа, Буддын шашны унзад төст хөөмэй, хархираа, үелзсэн, хархираа исгэрээ, уруулын хархираа үелзсэн гэсэн 18 арга барилыг багтаасан байна.
