Товч агуулга:Шатар бол хүн төрөлхтөний оюун санааны гайхамшигт бүтээлүүдийн нэг мөн. Шатар хүнд хүсэл эрмэлзлэл, зорилго, хатуужил, тэсвэр тэвчээр, тооцоолох хурд, нөхцөл байдалд түргэн бөгөөд зөв шийдвэр гаргах зэрэг нийгэмд чухал шаардлагатай чанарыг төлөвшүүлдэг.Шатар тоглох нь хүүхдийн дүрслэн бодох болон логик сэтгэлгээг хөгжүүлж, зорилго тэмүүлэлтэй, хэрсүү,буйр суурьтай болгон хүмүүжүүлдэг. Уг нэвтэрхий толь нь шатар анх үүссэн үеэс эхлэн түүхийн урт хугацаанд тодрон гарсан дэлхийн аваргууд, нэр цуут шатарчдын товч намтар, шатрын өргийн эхэн, дунд, төгсгөл үед тэдний тоглодог арга техник, тоглолтын ур чадвар болон уран комбинацитай шатарчидтай танилцах боломжийг олгоно. Мөн монголын шатрын хөгжлийн түүхэн замнал, монголын шатрын бодлого зохиомж, бодлого бодолтын хөгжил, дэлхийд нэрээ дуурсган монголоос төрөн гарсан анхны болоод бусад олон улсын их мастеруудын товч намтар, тэдний бүтээл, тоглосон өргүүдээс оруулсан болно.
