Товч агуулга:Бид 18-р зууны монгол хэл шинжлэлийн гарамгай эрдэмтэн Данзандагвын намтар, зохиол бүтээлийг цаашид лавшруулан судлахад тус нэмэр болох болов уу хэмээн Мэргэдийн манлай молом равжамба Данзандагва гэсэн эл дэвтрийг олны хүртээл болгон нийтлүүлж байна Уг бүтээлд Богд Чойжи-Одсэрийн зохиосон зүрхний толтын тайлбар огторгуйн маани хэмээх өгүүлэл, зүрхний толтын тайлбарын Буриад Агын барын хэвлэл, Бээжин барын хэвлэл хоёрыг харьцуулсан судалгаа, Данзандагвын эрт урдын төрлийн тухай өгүүлсэн домог цадигийн эрээвэр хураавар зүйл хийгээд Рүжа хийдийн холбоотой шинэ сэргэг хэрэглэгдэхүүнийг мөн оруулжээ.
