Товч агуулга:Монгол Улсын гадаад бодлогын үзэл баримтлалд "ОХУ-тай найрсаг харилцаатай байх нь Монгол Улсын гадаад харилцааны бодлогын эн тэргүүний зорилт мөн" хэмээн тунхаглан зарлаж, Орос улстай бүхэлдээ тэнцвэртэй харилцаж, сайн хөршийн ёсоор өргөн хүрээтэй хамтын ажиллагаа хөгжүүлэхийн тулд тус улстай харилцаж ирсэн түүхэн уламжлал, эдийн засгийн хамтын ажиллагааны өвөрмөц онцлогийг харгалзана гэж Монгол улсаас ОХУ-тай харилцахдаа баримтлах үндсэн чиг шугамаа тодорхойлсон билээ. Тус хүрээлэнгийн Орос судлалын салбараас эрхлэн Монгол-Оросын харилцааны шинэчлэл, хамтын ажиллагааны эрх зүйн үндэс, нийтлэг зорилтуудыг тусгасан 1991-2004 оны баримт бичгийн эмхэтгэлийг 2006 онд нийтэлж байсан юм. Эл удаа хоёр орны харилцаа, хамтын ажиллагаанд холбогдох 2005-2020 оны баримт бичгүүдийг хэвлэж байна.
