Товч агуулга:Эл номын зохиогч нь Монголын гүн ухаан, буддын судлалын шинэ үеийн тэргүүлэх томоохон төлөөлөгчдийн нэг, Дэлхийн шилдэг философич өргөмжлөлт доктор, профессор Гүржавын Лхагвасүрэн агсан билээ. Тус бүтээлд Г.Лхагвасүрэн буддизмыг Монгол орноо бүтээлчээр дэлгэрүүлж байсан цаг үе, нөхцөл байдал, энэ үйл хэрэгт ноён хутагт Данзанравжаагийн оруулсан хувь нэмэр, хоосон чанар, бодь сэтгэл, шүтэн барилдлага, бурханы шашны шинэчлэл зэргийн талаарх түүний үзэл санаа, гүн ухааны сэтгэлгээ зэргийн тухай дэлгэрэнгүй өгүүлсэн байна. Г.Лхагвасүрэнгийн эл бүтээл нь Лондон дахь Төвдийн фондтой хамтран хэрэгжүүлж буй төслийн хүрээнд МУИС-ийн Буддын соёл судлалын төвөөс эрхлэн хэвлүүлж буй 7 дахь ном ажээ.
