Товч агуулга:Монгол тууль бол тодорхой түүхт явдал, түүхэн хүнтэй шууд холбогддоггүй, балар эртнээс уламжилсан тогтсон дэг жаяг, уран сайхны уламжлалын хүрээнд аль нэг бодит явдалд захирагдахгүйгээр хөгжин уламжилж ирсэн учраас их л ярвигтай судлагдахууны нэг мөн. Тус бүтээл нь доктор Ж. Эрдэнэбаярын 1992 онд эрдмийн зэрэг хамгаалсан ажил бөгөөд “Жангар”-ын бүлгүүдийг эх бичиг судлалын үүднээс жинхэнэ, хуурамч гэж ангилах, “Жангар”-ын бүлэг, хубилбаруудыг тархсан газар нутаг, угсаатан ястных нь байдал, соёл иргэншлийн онцлог, бүс нутгийн түүхэн уламжлалтай уялдуулан бүсчлэн хуваах зорилго тавьж бичжээ. Хэдийгээр олон жилийн дараа хэвлэгдэж байгаа ч Жангар судлалд үнэ цэнэтэй, судлаачдын анхаарлыг татсан бүтээл юм.