Товч агуулга:Завхан аймгийн Шилүүстэй сумын УБ хот дахь нутгийн зөвлөлөөс Гандан тэгчилэн хийдийн “Эрдэм соёл”-ын хүрээлэнтэй хамтран “Хутагт судлал” хэмээх эрдэм шинжилгээний бага хурлыг 2014 онд зохион байгуулжээ. Энэхүү хурлаар Завхан аймгийн Шилүүстэй сумаас төрөн гарсан болон тус нутгийн хүрээ хийдэд сууж байсан Наробанчэн хутагт Пүрэвжав, Дилова хутагт Жамсранжав, Лашин хувилгаан Агваанпэрэнлэйжамц, Нацагшугарын Цэрэндондов буюу Андиа хувилгаан, Цорж аграмба Бадамдоригийн дарам, Наробанчэн хутагт Жүгдэрнамжил нарын намтар, үйл ажиллагаа, онцлох зүйлсийг тодруулсан шинэ санаа бүхий илтгэлүүдийг авч хэлэлцжээ.
