Товч агуулга:Зохиолчийн зохиолд олон өнгөт ертөнц сүлжилдэн оршдог. Уянга туульс, уран нийтлэл, эсселэг дүрслэл, драмын зөрчил, үгийн дүр, хүүрнэл, өчил, монгол шүлгийн стандартлаг баримтлал, бодит баримтаас хийсвэрлэхүйгээс бодитжих, нэгжээс нийтлэг рүү, нийтлэлээс нэгж рүү шилжилт, эсрэгжил, эерэгжил, орон зайн явцуурал болоод өргөжил, үл нөхцөлдөх тайлал, сэтгэцийн задлаг нийлэг гээд ур хийцийн олон арга маягийг гаргасан. Тэргүүн дэвтэрт “Нутгийн зургаан өнгө”, “Хөдөө”, “Үүр цайлаа”, “Зуны өглөөний зураг”, “Түмний гол”,”Мөнгөн халбагат эмээ буюу гангийн зуны дууль”,” Дагва дархан”, “Чулуун нүүрсний дууль”, “Цэвцгэр, хурдан шарга”, “Багш тэтгэвэрт гарлаа” зэрэг шүлэг,дууль, найраглал орсон байна. Дэд дэвтэрт “Эгэл бүхэн эрхэмсэг”, “Чөдрөө тасдуулсан минь”, “Ай хө шар”,”Манжаа” зэрэг зохиолууд орсон байна. Гутгаар дэвтэрт Шар тэмээний нутаг”,”Миний хонхор ганцхан”,”Ванганы цэнхэр дэвтэр”,”Би Удвал, би Удвал гэж цэцэг ургана”зэрэг хөрөг эсээ, дурсамж, тэмдэглэл, ярилцлага орсон байна. Дөтгөөр дэвтэрт А.П. Чехов, А.Платонов, К.Паустовский.... зэрэг зохиолчийн шилдэг зохиолууд оржээ.
